Limos

Barya lang ang hinhingi ko.
Baryang ‘di mahalaga sa’yo.
Baryang pantawid ng gutom.
Baryang maibibigay mo.

Kahit maliit na halaga
Kaya kong dyan magtiyaga.
Mapawi ko lang ang uhaw.
Ayos na. Kuntento na.

Hindi ba talaga maaari
Konting barya’y maitabi?
Makukuntento naman ako
Sa baryang kahit kakaunti.

Kung ‘di talaga maibibigay.
Sige, dito lang ako maghihintay
Hanggang magkaroon ka na,
Hanggang handa ka nang ibigay
Baryang kukumpleto s’aking buhay.